Пешвози як субҳи пурсаодат дар оғӯши диёри нозанин ва дар остонаи таҷлили «Рӯзи ҷавонони Тоҷикистон».
Президенти Тоҷикистон Эмомалӣ Раҳмон: «Ҷавонон умеду ояндаи давлат ва халқи Тоҷикистон мебошанд».
ДУШАНБЕ, 23.05.2024. /АМИТ «Ховар»/. Ҳамаи шуморо, ки умеду ояндаи давлат ва халқи Тоҷикистон мебошед, ба ифтихори Рӯзи ҷавонон, ки ҳар сол дар Тоҷикистон ҳамчун ҷашни насли ояндасоз таҷлил мегардад, самимона табрик менамоям. Ин нуктаро Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни пешниҳоди Паёми шодбошӣ ба муносибати Рӯзи ҷавонони Тоҷикистон баён намуданд.
ИдомаПешвои миллат Эмомалӣ Раҳмон дар назди оромгоҳи Роҳбари умумимиллии Озарбойҷон Ҳайдар Алиев ва гулхани ҷовидони шаҳидони Озарбойҷон гулчанбар гузоштанд.
ДУШАНБЕ, 22.05.2024 /АМИТ «Ховар»/. 22 май дар доираи сафари давлатӣ дар Ҷумҳурии Озарбойҷон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Боку ба нишони эҳтиром ба таъриху тамаддун, шахсиятҳои маъруф ва шаҳидони ин кишвар дар назди оромгоҳи Роҳбари умумимиллии Озарбойҷон Ҳайдар Алиев, ҳамсари Ҳайдар Алиев Зарифа Алиева ва дар назди гулхани ҷовидони шаҳидони Озарбойҷон гулчанбар гузошта, хотираи неки онҳоро пос доштанд.
Дар маросими гулчанбаргузорӣ Президенти Ҷумҳурии Тоҷикистон муҳтарам Эмомалӣ Раҳмонро ҳайати расмии Ҷумҳурии Тоҷикистон ва намояндагони воломақоми Ҳукумати Ҷумҳурии Озарбойҷон ҳамроҳӣ намуданд.
БАХШИДА БА РӮЗИ ҶАВОНОН. Варзишгарон ифтихори Тоҷикистони соҳибистиқлол мебошанд.
ДУШАНБЕ, 22.05.2024 /АМИТ «Ховар»/. Президенти Тоҷикистон муҳтарам Эмомалӣ Раҳмон иброз доштаанд, ки «соҳаи тарбияи ҷисмонӣ ва варзиш яке аз самтҳои афзалиятноки сиёсати иҷтимоии давлати Тоҷикистон ба ҳисоб рафта, ба таъмини оммавигардонии варзиш, таҳким бахшидани тарзи ҳаёти солим ва омодасозии варзишгарони касбии тоҷик барои иштирок дар мусобиқаҳои байналмилалӣ равона гардидааст».
ИдомаОзмуни IV ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон оғоз ёфт.
ДУШАНБЕ, 21.05.2024 /АМИТ «Ховар»/. 21 май дар Душанбе бо иштироки муовини Сарвазири Тоҷикистон Дилрабо Мансурӣ, роҳбарияти кумитаву идораҳои давлатӣ ва омӯзгорону донишҷӯёни мактабҳои олии мамлакат Озмуни IV ҷумҳуриявии донишҷӯёни муассисаҳои таҳсилоти олии касбии /МТОК/ Ҷумҳурии Тоҷикистон барои дарёфти «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» оғоз гардид. Дар ин хусус ба АМИТ «Ховар» дар Донишгоҳи байналмилалии сайёҳӣ ва соҳибкории Тоҷикистон иттилоъ доданд.
Идома«Рисолати ватандорӣ»
Дар Хоруғ даври шаҳрии Озмуни ҷумҳуриявии «Фурӯғи субҳи доноӣ китоб аст» ҷамъбаст гардид.
ДУШАНБЕ, 19.05.2024. /АМИТ «Ховар»/. Дар Коллеҷи тиббии шаҳри Хоруғ даври шаҳрии Озмуни ҷумҳуриявии «Фурӯғи субҳи доноӣ китоб аст» ҷамъбаст гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.
ИдомаДар Душанбе зиёда аз 55 ҳазор нафар дар Дави миллӣ ва беш аз 1600 нафар дар марафони велосипедронӣ иштирок намуданд.
ДУШАНБЕ, 19.05.2024. /АМИТ «Ховар»/. Имрӯз дар тамоми шаҳру ноҳияҳои Тоҷикистон, аз ҷумла дар шаҳри Душанбе бахшида ба Рӯзи ҷавонони Тоҷикистон Дави миллӣ ва марафони велосипедронӣ баргузор гардид. Дар Дави миллӣ дар Душанбе зиёда аз 55 ҳазор шаҳрвандони касбу кори гуногун ва дар марафони велосипедронӣ беш аз 1600 нафар иштирок намуданд, иттилоъ медиҳад АМИТ «Ховар».
ИдомаДар Донишгоҳи давлатии Хуҷанд аз рӯйи ихтисоси забони чинӣ 352 нафар таҳсил менамоянд.
ХУҶАНД, 16.05.2024. /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров аз рӯйи ихтисоси забони чинӣ 352 нафар таҳсил менамоянд. Дар ин хусус ба АМИТ «Ховар» дар ин донишкада иттилоъ доданд.
ИдомаОзмоиши маҳаллии Барномаи байналмилалии арзёбии хонандагон дар мактабҳои Тоҷикистон санҷида шуд.
ДУШАНБЕ, 16.05.2024. /АМИТ «Ховар»/. Ҷараёни озмоиши маҳаллии Барномаи байналмилалии арзёбии хонандагон (PISA) 2025) дар муассисаҳои таҳсилоти миёнаи умумии Ҷумҳурии Тоҷикистон мавриди санҷиш қарор дода шуд. Дар ин хусус ба АМИТ «Ховар» дар Маркази миллии тестии назди Президенти Ҷумҳурии Тоҷикистон хабар доданд.
Идома